قضاء حوائج الناس

قـضاء حـوائــج الناس....

من علامات حب الله لعبده

إذا أحب الله عبدا جعل حوائج الناس إليه.....
يعني لو عايز تعرف إذا كان ربنا بيحبك أو لا...شوف إذا كانت الناس بتقصدك وبتطلب منك تعملهم خدمة ولا لأ ؟؟؟
لو ربنا بيحبك حيبعتلك ناس تخدمهم عشان تاخد حسنات، يعني إذا كان الناس بتتوسم فيك خير وبتعقد عليك آمال يبقى لازم تفرح دي علامة من علامات حب الله لعبده.
أما إذا يأس منك وأسقطوك من حساباتهم وعارفين إنك بتصدهم وبتبخل عليهم....فلازم تغير من نفسك، والبخل مش بخل فلوس...لكن كمان بخل مشاعر، بخل أحاسيس ومشاركة، ممكن تكون معندكش أي شيء تساعد بيه الناس لا فلوس ولا مكانة اجتماعية، بس أكيد ممكن تساعد بكلمة مؤازرة...تساعد بمواساتهم تساعد إنك تسمعهم تساعد إنك توصل مشكلتهم لحد تاني، حـِب الناس عشان ربنا يحبك
وروى الطبراني عن ابن عمر- رضي الله عنهما- أن رسول الله صلى الله عليه وسلم قال: ((إن لله تعالى عباداً اختصهم بحوائج الناس, يفزع الناس إليهم في حوائجهم, أولئك هم الآمنون من عذاب الله)).