عيد ميلاد بنتي

عيد ميلاد بنتي..

بحسب عمرك يوم بيوم
وثانية ب ثانية
يللي وجودك أعظم منحة...
من رب العباد ليا
يوم ما نورتي حياتي
أكبر فرحة وأحلى هدية
جزء من إحساسي بيكي
لو تتعبي تنزل دموعي
ولو تفرحي بيبان عليا
يارب أعيش واشوفك
أجمل عروسة في الدنيا
واشوف أمير يستاهل
الطيبة دي والحنية
وتكون أمه دعياله
بأميرة حلوة عشرية
فرحتي بيكي يومها
فرحة مش عادية
حاسة دلوقتي بفرحتك
وشايفاها بقلبي مش عنيا
حتة مني جوة قلبي
فرحتها غالية عليا
يارب أعيش واشوفها
احسن بنت في الدنيا

#سوسن_سحاب
21/1/2017