حـلال المشــاكل
زوجي والخادمة.....
مشكلتي يا حلال المشاكل معقدة وليس لها حل.... متزوجة وعندي 4 اطفال وأعمل في وظيفة سكرتيرة تنفيذية وزوجي مهندس ولكن معظم الوقت في البيت.... وهو ما شاء الله مش مخلي خدامة إﻻ وعاكسها أو اتهجم عليها....
من الآخر زوجي بتاع خدامات.... أول مرة اكتشفت المشكلة كنت رايحة المستشفي أولد ابني الصغير وما رضيش ييجي معايا... وقال أنا سأبقى مع الأطفال في البيت وانتي اذهبي مع أختك إلى المستشفى...
وبرغم أن حالتي كانت صعبة وبدلا أن يقول اختك تقعد مع العيال وانا أحضر معك .... المهم...أول ما وصلت المستشفى لقيت بنتي الكبرى بتتصل وتقولي صحيت على صوت الخادمة بتصرخ ودخلت غرفتي وقالت بابا بيضربها ..
طبعا هي مش فاهمة كلمت الخدامة فقالت لي أنه حاول معاها أكثر من مرة ...لكن اليوم انتهز فرصة غيابي ونوم البنات ناموا دخل غرفتها وحاول .....
رجعت من المستشفى مش طايقاه لكنه عاهدني أنها أول وآخر مرة.... لكنها ﻻ كانت الأولى وﻻ الأخيرة.
كل مرة يعمل العملة والخادمة تهرب من البيت...وتحصل مشكلة... آخر مرة رجعت من الشغل وجدت الشرطة أمام الباب ....وعرفت انه حاول أكتر من مرة وهذه المرة لما زودها معاها وأنا غير موجودة طلبت الشرطة....
وفي الشرطة عمل نفسه مسكين وهو المجني عليه واستشهد بي وللأسف مقدرتش اتكلم وافضح جوزي أبو عيالي عشان لو دخل السجن ممكن العيال يكرهوني...
والخدامة خرجت من الشرطة واخدت حقوقها ومشيت من عندنا ودلوقت مش قادرة استحمل اكتر من كده مشاكل وخناق وقلة احترام...
وأخبرت أهله لكن وجدتهم غير مصدقين وقالوا انتي كاذبة وابننا ما يعملش كده.... ومش عارفة أصبر تاني إيه أكتر من كده وﻻ أعمل إيه؟؟؟؟
ليست هناك تعليقات:
إرسال تعليق