حلال المشاكل- صديقة الزوج

حـلال المشـاكــل

مشكلتي يا حلال المشاكل...إن جوزي اتغير جدا من فترة، ولاحظت إنه بدأ يهتم بنفسه زيادة عن اللزوم، يهتم بشكله ولبسه وأناقته ويغرق نفسه بارفان وهو نازل، ويرجع متأخر وبيكون سرحان في البيت كأنه مش معانا.

بصراحة شكـِّيت في الموضوع لكن كنت ببعد الشك عن نفسي وأقول مش معقول ينسى عشرتنا وينسى عياله، ويروح يلعب بديله.

وفي مرة دخل الحمام جاله تليفون وطبعا ما سمعش التليفون، فرن مرة تانية...بصيت في التليفون لقيت مكتوب الحاج جميل، بعد كام اتصال مفيش رد، قام بعت رسالة sms، قلت أكيد شيء مهم فتحت الرسالة، لقيت مكتوب ( حبيبي وينك كل هادا الوقت اشتقتلك كتير كتير، انت فايتني كرمالها ، يلا تعا بسرعة).

كان حيغمى عليا، وكأن صاعقة نزلت عليا رجعت التليفون مكانه بالضبط، وقعدت في مكاني مصدومة مش عارفة أعمل إيه.

بعد ما فقت من الصدمة عملت كل مجهودي عشان أعرف أي حاجة عنها، وتوصلت إلى انها مدرسة ومن جنسية عربية، وعرفت مكان شغلها كمان.

دلوقتي مش عارفة أعمل إيه؟؟ أقول لجوزي إني عرفت؟؟ أروح مدرستها وأقابلها؟ أبلغ أهله في مصر؟؟ مش قادرة أخد أي قرار ....ساعدوووووني