الســــلام لله
نبدأ بســــم الله
وبالصـــلاة على محمـــد عليه الصلاة والسلام
الســـلام...... لله
والحلــو بــس يرد
صنــوف الرجال كتيــر
ويامـــا علينــا بيورد
بصبح علــى كل جميـــــل
حليوة وخده مــورد
وبصبح على القمــرات
بوجودهم القلـــب يسعد
والحلو مش حلو المــلامح
ده بس اللي قلبــه أبيــض
وإوعى ترد الصبـــاح
إنت !!!
أيوه إنت يا أبو قلب إســـود
الوش مرسوم ضحكة صفرا
وعامللي فيها مهنـــد؟؟؟
كل كـــلامه هههههههههههههههه
وســـنانه تجـــز ويحقـــد
كلامك كوبي وبيـســـت
زي بغبغانات بتردد
أسكت أحسن لك أسكت
مش حرد على القلب الأسود
قلبك قلب فار مذعــــور
فبلاش عليَّ تســـتأسد
الوقت ده مش وقــتك
اســـترجل شوية وإجمــد
 |
| وقت الجد الرجالة بتقف.....وأشباه الرجال بتمدد |
دلوقتي وقت الرجال
على جنب إركــن شوية
أو روح في الشمس واتمــدد
إعـــرف معنــى الرجولة
وتعالى يابني رد.......
سوسن سحاب
25/ 6/ 2013
ليست هناك تعليقات:
إرسال تعليق