يــــــــوم مش عــــــــــادي
النهـــارده باين عليه....
مش شكل يوم عادي
شكله من أولــه
الفرحـــة بتنادي
نفسي أشوفك لابســة.....
الطرحــة يا بلادي
وأنا وكل الحبايب
وأهلــي وولادي
نجيب لك مزمار بلدي
نرقص ونتهادي
والفرح سبع ليالي
ونحنِّـــي الأيادي
وقيدوا شموع الفرح
في كل بيت في مصر
وفي النجع والوادي
مصر النهارده عروسة
وعريسها بيفادي
واللي عرف المحبة
عمره ما بيعادي
واللي يحب مصر
ياخدها بعبلهــا
بنيلها وترابها
بكل ما فيها
بكل قساوتها
وسحر لياليها
اللي يحب مصر
يجيلنا الساعة دي
يقف يغني معانا
تعيشي يا بلادي
أموت وتعيشي إنتي
ياللي ملكتي فؤادي
ويا مصر فداكي عمري
وقليل عليكي.......
استشـــــــهادي....
30/ 6/ 2013
سوسن سحاب
ليست هناك تعليقات:
إرسال تعليق