ثقافة الحمد والرضا
الحمد لله....
(ثقافة الحمد والرضا)
ناس كتير بتخاف تحمد ربنا وتقول انها كويسة خوفا من الحسد...
كل بوستاتهم شكاوي وكل كلامهم سخط وعدم رضا...
كأن مفيش في حياتهم حاجة واحدة تستاهل يحمدوا ربنا عليها !!!
مع ان لو رضيت وحمدت ربنا على نعمه عليك، ربنا حيرضيك اكتر واكتر
" وأما بنعمة ربك فحدث" وشكر النعمة هو الحديث عنها، مش الاعتراض والشكوى المستمرة !!
فكر في حياتك....
لو بتشتغل احمد ربنا.... غيرك مش لاقي شغل
عندك عيال؟ احمد ربنا.... غيرك حيموت على طفل
صحتك كويسة؟ احمد ربنا .....غيرك قضى العيد في المستشفى
عندك بيت تنام فيه؟ احمد ربنا ...غيرك بايت في الشارع او خيمة
عندك اهل بيحبوك ؟ احمد ربنا.... غيرك دايق مرارة اليتم طول عمره
عايش في امان؟ احمد ربنا ....غيرك عايش تحت الخوف والتهديد
عندك قوت يومك وتلاجتك فيها اكل؟ احمد ربنا .... غيرك بينام من غير اكل
دولابك مليان ملابس، احمد ربنا..... غيرك مش لاقي اللي يستره او بيموت من البرد
بتصلي بتصوم بتتصدق ؟؟ احمد ربنا... غيرك محروم من نعمة الايمان
بتاكل من غير ما تاخد دواء قبل او بعد الاكل؟؟ احمد ربنا غيرك عنده قائمة أدوية في كل وجبة
لو عندك حاجة واحدة من دول احمد ربنا...
ولو عندك اكتر من حاجة احمد ربنا اكتر واكتر عشان ربنا ينعم عليك اكتر واكتر
"وإذ تأذن ربكم لئن شكرتم لأزيدنكم و لئن كفرتم إن عذابي لشديد"
سورة ابراهيم الٱية 7
#سوسن_سحاب
ليست هناك تعليقات:
إرسال تعليق