#إيموچي_القلوب_العشرة
🩶 🤎 🤍 🖤 💜 💛 💚 💙🧡 ❤️
دول عشر ألوان الإيموجي للقلوب في الفيس والواتس وكل لون بيعبر عن حالة مختلفة ومزاج مختلف وامتى تستخدم كل ايموچي يعبر عن حالتك تماما ، يعني تخلي الوان القلوب تقول اللي انت عايزه بدون كلام كتير.
❤️ الأحمر❤️
لون القلب التقليدي المألوف، وبيعبر عن الحب الكلاسيكي والرومانسية والمشاعر الجميلة وتبعته لأي حد تكن له مشاعر طيبة
🧡 البرتقالي🧡
بيعبر عن الإهتمام الشديد والارتياح والراحة النفسية، وكمان بيعبر عن اننا نفضل أصحاب، ومش لازم يكون بيننا حاجات مشتركة
💙 الأزرق 💙
تبعتها لحد بيحبك وانت مش بتحبه معناها انا مرتبط بشخص آخر وبلاش تضيع وقتك معايا
💚 الأخضر💚
لون التصالح مع النفس ، واللي عايز يعيش مع نفسه ، تبعته لحد عايز تقوله انا مش مرتبط بأي حد ومش عايز ارتبط بحد
💛 الأصفر أو الذهبي 💛
لون السعادة والصداقة والبدايات والشباب.
ويعبر عن حب التملك، والغيرة، وممكن تبعته لحد عايز تسأله، أنت لسه بتحبني؟
💜 البنفسجي💜
الاحساس والتفاهم والتعاطف، وأحيانا يستخدم للتعبير عن الجاذبية لشخص ما ، انا معجب بيك.
🖤 الأسود 🖤
ده مش معناه إن فلان قلبه أسود، لأ ده معناه سخرية من موقف معين أو كوميديا سوداء او الحزن وبتبعته لحد انت زعلان منه بدل ايموچي لوي البوز
🤍 الأبيض 🤍
هو القلب الأنقى على الإطلاق، وبتبعته لحد قلبه طيب تقي نقي وانت بتقدر صداقته ومحبته
🤎 البني 🤎
يعبر عن قوة الحب الثابت الذي يتحدى الزمن ويستمر طول العمر وبتبعته لحد عايز تقوله حفضل جنبك على طول وعمري ما حتغير .
🩶القلب الرمادي🩶
الشخص المتردد بلا هوية عاطفية المتذبذب الغير واضح الملامح ومشاعر متقلبة غائمة، وتبعته لحد مبهم ومش راسي على حب قصدي على بر
#سوسن_سحاب
ليست هناك تعليقات:
إرسال تعليق