علامات الشقى

علامات الشقا


عدد علامات الشقَا فى جسمك

مجموع على عدد حروف اسمك .. 

على عدد دموع بكيتها

 وخطايا عرفت سكتها 

مضافه لعدد المرات 

اللى عديت فيها قدام بيتها 

وكام بنت بعديها حبيتها .. 

علشان تنساها ..

 مانسيتهاش .. 

كزائد عدد الاحلام

 اللى حلمتها ماحققتهاش .. 

على الليالى اللى نمتها كما الخفاش .. 

رجلك فوق وراسك تحت .. 

وكام مره باب طموحك خبط قمت فتحت .. 

ماخوفتش من المجهول .. 

كم مهول ..

 بيساوى مفيش ..

 مكتوب عليك تموت 

من غير ماتعيش.

*********
محمد حسن مليحه