كــلام غيـــر مبــاح
سكت الكلام الغير مباح
وشهريار قام في الصباح
ناسي الغرام وقصتـــه
شاف في إيده آثار الدم
استغرب وما افتكرش ضحيته
فكروه......
وإسألــوه قتلتـــه ليه؟؟
حيقولكم ماكنش قصدي أموته......
خلص الكلام ما بيننـــــا
وكل واحد مشـــي سكـته
كان كلام غير الكلام
زي الرصاص ما تسكته
كنت فاكرة إني كنت منيته
كنت عارفة إني....
قصدي....
كنت حاسَّــة...
وسط شوكه إني كنت وردته
وأستنى لو تخطر ع الأرض خطوته
وأطيــــــــــــر ....
لو لمحت من بعيد طلته
كنت فاكراه الحنــان
ما لقيتش حد في قسوته
إنساه ياقلبي
وإطوي صفحته
بكره يعرف غلطته
بكره يندم
ما يلاقيش حد زيي في دنيته
بكرة يعرف إني كنت
نجمة في السما تنور عتمته
بكرة يعرف إني صنت
وهو خاين كلمته
بكرة يعرف إني كنت
خسارة فيه......
خسارة فيه وفي عشرته
سوسن سحاب
جميله جدا تسلم ايدك
ردحذف