ولسه ...
للشاعر عبد الفتاح عبد الباقي
ولسه هكتب فيـكي شِعر
وأملاَ بحروفي سطـــــورِك
وأنقــــش الحنّه ف إيديكي
لما اشوف طلّة حضــــورك
وازرع الورد ف شـــــوارعك
لو تحين لحظـــــــــــة مرورك
واحضن المـــــوج لمّا يعلى
والغرق يبقيَ ف بحـــــــورك
والهــــــــــوى لو عدّي جنبي
يبقيَ جايلِي من قصــــورك
واعرفه من ألف نســـــــــــمه
أصله مرشوش من عطورك
والشمس لو غابت ف قلبي
يكفي جـــــــــــــوّاه ضي نــــورك
وليلي لو طــــــوّل شـــــــــــويه
يبقي طـــــــــــــيفي راح يزورك
يرخــــــــص الغالي عشانك
الأدب كله ف جـــــــــزورك
أصــــــل واخــــــداه بالوراثه
مالجـــــــدود زرعــــوا بذورك
عمري واهب لك سنينه
رغم معرفتي بشــــــــعورك
*****
ليست هناك تعليقات:
إرسال تعليق