أمي

أمـــــــي 

نظــــرة عيــــــون أمــي

                                                                                                                   

لما جيت أكتب عليكي...
ما افتكرتش أي حاجة ....
غير عنيكي...
كان عليها نظرة..
لما أغلط..
تنشف الدم في عروقي...
ولو عملت الصـح....
أشوف عيون..
 بالفرحة يحـضنوكي...

******

ولما كنت صغيرة...
وأعمل شقاوة بدون سبب...
كان يكفي بس...
نظرة واحدة...
تعلمني الأدب...
وتخبط لي الركب..

********

وبرضه هي نفس العيون...
اللي مليانين حنان...
ووقت الشده يقفوا جنبي ...
ويدوني الأمان...

*******

وأيام المراهقة والصبا...
كانت العيون الطيبة....
كاتمة أسراري....
وحنينة وقريبة...
وبرضه أوقات مرعبة...

*****

ولما كبرت كمان شوية... 
كبرت هيَ....
بس العيون ما تغيرتش...
والنظرة فضلت هي هي....

********
وسافرت واتغربت... 
وبعدت عن حضنها...
ولما رجعت...
كان المرض هدها...
بصيت في عينها... 
وشفتها....
نفس العيون...
بس فيها حاجة متغيرة...
النظرة مش هي نفسها....
حسيت إنها.....
إنطفــــــت....
بكيت قوي متأثرة...

*******

ولما العيون غمضت للأبد...
حسيت ساعتها اني لوحدي....
وما بقاش ليا حد....
حنيت لنظرة من بتوع زمان...
نظرة فيها شدة ...
وكمان فيها ود....
نظرة كانت أقوى... 
من 100   قلم....
نظرة عملت مني...
إنسان محترم....
نظرة...
لما أغلط....
تنشف في عروقي الـدم...
ولو عملت حاجة حـلــوة...
تحـضـــن وتضــــم.......

سوسن سحاب

الله يسامحك

الله يسامحك


let's close this file
الله يسامحك
سوسن سحاب
              الله يسامحك
ع الدموع, وعلى قلب بتقتله

خلصت خلاص المهزلــة
اللي سميتها حكاية عمري
وإنت سميتها.....
ملف ونقفله؟؟؟

كل اللي كان بينا ملف ونقفله؟؟؟

إنقطع حبــل المــودة
مين بيرخــي ومين يشده
ومين فين حاول يـوصله؟؟

جرحك القــاسي
ما قدرتش تأجــله؟؟
أو حتى كنت تجمــله؟؟

طريق الألف ميـــل
كان فاضل عليــه خطوة.....
ليه وقفـــت؟؟
ليه رفضــت تكمله؟؟

بعد ما قلبي إدَّاك الأمــان
ليــه رضيــت تضــلله؟؟

ما بقــاش فاضل لي منك
غير شــوك إجابــة سؤال
لسه يا قلبي بتســأله!!!

أنــــا كنـــت لــه؟؟
لا يا قلبي....
ما كانــش لـــك ولا كنــــت لــه

الله يســامحك

سوسن سحاب